سبسطية

سبسطية
 
الرئيسيةس .و .جبحـثالتسجيلقائمة الاعضاءالمجموعاتدخول

شاطر | 
 

 نصائح عند ركوب باص مواصلات في الاردن

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
rose moon
عضو
عضو


انثى
عدد الرسائل : 492
العمر : 27
العمل/الترفيه : arch in aabu
المزاج : ملل وضيق وهم ونكد وتعب وقرف ومرض من دونك يا صاحبي!!
تاريخ التسجيل : 08/06/2008

مُساهمةموضوع: نصائح عند ركوب باص مواصلات في الاردن   الجمعة أغسطس 22, 2008 6:54 pm

كتير منا بعرف باص المواصلات، هاد الصغير اللي بكون مكتوب عليه (عمّان-الجاردنز)، أو (البقعة-دوار عبدون)، سويلح سويلح سويلح، بس الأكتر همه اللي كان إلهم تاريخ عريق مع هاي الباصات بس بحكيلك: (عمري ما ركبته). ركبته ولا عنَّك ما ركبته، خليني احكيلك شوية نصائح قبل ما تركبه:

حاول إنو يكون معك قد مقدار الأجرة بالزبط، لإنو لو كان معك أقل، رح تاكل كف، ولو ما كان معك “فراطة”، قدامك خيارين، يا تاكل كف يا تسامحه بالباقي، انا لو مكانك بسامحه وبسامح أبوه كمان، أما لو كنتي بنت، فش داعي يكون معك فلوس أصلاً.

اذا ركبت الباص وما لقيت مكان فاضي إلا جمب أبو شفرة، انزل من الباص بسرعة وخد تكسي اشرفلك. (لمعرفة ابو شفرة راجع موسوعة الجويدة للمجرمين والناس اللي بِخَوفوا).

خليك هااادي طول ما انتا في الباص، واوعى تتقاتل مع كنترول الباص لو شو ما كان السبب، لإنو لو صار هيك، اعرف انك رح تخسر اعز الاشياء بحياتك، الكنترول رح يضرب، وكل اللي في الباص رح يضربوا، أما الأخ سايق الباص، رح يدعس بريك ويوقف الباص وييجي عليك وينزل فيك خبط بعصايته الحديد اللي ما بتفارقه وين ما يروح تحسُّباً لأي طارئ.

اذا وانتا في الباص اجت بنت، وما لقت مكان تقعد فيه، يا بتقوم تقعدها محلك يا ما بتقوم، في الحالة الأولى رح تصير محط أنظار الجميع، وأبو شفرة واحد منهم، وبما إنو ابو شفرة واحد منهم، فما بنصحك إنك تكون بهيك موقف، أما في الحالة التانية، رح ييجي كنترول الباص ويحكيلك: قووووم، طبعا انتا رح تقوم زي الارنب، لإنك زلمة.

لا تتوقع انك تركب باص مو حاطط شريط لأبو وديع، لإنو أبو وديييع حبيب الديييونجية، وزي ما انتو عارفين، فالديونجية هي أحد أهم الشروط الواجب توافرها في سايق الباص، وتحية لوزارة الباصات، وبما انو عم نحكي عن الاغاني فخليني اجيب سيرة المسكين المسخم مصطفى كامل.. هاد المتعوس كان بدو يصير مغني راح نزل اغنية حلوة اسمها “رحلة عمري”، هوه للأسف ما كان عارف انو هاي الاغنية رح تنتشر في رغدان والعبدلي ومجمع الزرقا القديم، هوه يا جماعة ما كان قصده يصير مغني الدواوين والمجمعات.. مسكين.

لا تحاول أبدا أبداً إنك تعاكس أي بنت بتركب الباص، لإنو يا ابني، كل اللي في الباص رح يصيروا ولاد عمها واخوانها وانتا يعني مش وجه بهدلة، أما الأخ السايق هوه نفسه أبو عصاية، رح ينزل من الباص و …. (حُذِفَ لأسباب تتعلق بالجودة).

اذا كنت بتستنى الباص عند نفق الجامعة وشفت الباص جاي من بعيد والكنترول مطلع راسه من الباب وبحكي (بسرعة بسرعة)، بنصحك لا تركب معه، لإنو رح يمسكك من بلوزتك ويرميك في الباص، وأول ما تحط رِجل وحدة جوا الباص، الأخ السايق هوه نفسه رح يدعس بنزين عالآخر، وانتا يا رح توقع من الباص وتتكسر، يا رح توقع جوا الباص بحضن ابو شفرة.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشق الحرية
عضو
عضو


ذكر
عدد الرسائل : 926
العمر : 24
الموقع : الأردن
العمل/الترفيه : طالب
المزاج : راحت حبيبتي مني راحت بس رح ترجع تاني
تاريخ التسجيل : 28/05/2008

مُساهمةموضوع: رد: نصائح عند ركوب باص مواصلات في الاردن   الأحد أغسطس 24, 2008 5:34 am

له له
يعني الي بسمعك بحكي انك ولا عمرك ركبتي باص المفرق

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shmoo3.montadalhilal.com/index.htm?sid=f042115687d9ad6c1b
W AL7AJ
مشرف..
مشرف..


انثى
عدد الرسائل : 5952
الموقع : الأردن
المزاج : مافي أحسن من هيك
تاريخ التسجيل : 30/05/2008

مُساهمةموضوع: رد: نصائح عند ركوب باص مواصلات في الاردن   الأحد أغسطس 24, 2008 6:45 am

شكلك نسيتي الجملة المعتادة اللي بحطوها كنترولية الباصات


لا وقت للحب

بتعرفو أصحاب مشاغل من كتر الشركات اللي وراهم ماعندهم وقت

_________________
اذا كان الامس ضاع فبين يديك اليوم واذا كان اليوم سوف يجمع اوراقه
ويرحل فلديك الغد لا تحزن على الامس فهو لن يعود
ولا تاسف على اليوم فهو راحل واحلم بشمس مضيئه في غد جميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rose moon
عضو
عضو


انثى
عدد الرسائل : 492
العمر : 27
العمل/الترفيه : arch in aabu
المزاج : ملل وضيق وهم ونكد وتعب وقرف ومرض من دونك يا صاحبي!!
تاريخ التسجيل : 08/06/2008

مُساهمةموضوع: رد: نصائح عند ركوب باص مواصلات في الاردن   الأحد أغسطس 24, 2008 9:30 am

مشكورين على مروركم الرائع
وبالنسبة لباصات المفرق والله رحلة يوميه ولا أحلى من هيك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نصائح عند ركوب باص مواصلات في الاردن
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سبسطية :: الملتقى الحواري العام :: المنتدى العام-
انتقل الى: